ന്യൂഡല്‍ഹി: റോബർട്ട് വദ്രയ്ക്ക് എതിരായ സാമ്പത്തിക ക്രമക്കേട് കേസന്വേഷിക്കുന്ന ഐപിഎസ് ഉദ്യോഗസ്ഥനെ മാറ്റി. എൻഫോഴ്സ്മെന്റ് വിഭാഗത്തിൽ ഡപ്യൂട്ടി ഡയറക്ടറായ രാജീവ് ശർമ്മയെയാണ് മാറ്റിയത്. പകരം ഇന്ത്യൻ റവന്യു സർവ്വീസിലെ മഹേഷ് ഗുപ്തയ്ക്കാണ് കേസ് അന്വേഷിക്കാനുള്ള ചുമതല.

എൻഫോഴ്സ്മെന്റ് വിഭാഗത്തിൽ ഡപ്യൂട്ടി ഡയറക്ടറായി ചേർന്ന രാജീവ് ശർമ്മ ഒന്നര മാസമായി അവധിയിലായതിനാലാണ് കേസ് അന്വേഷണത്തിന്റെ ചുമതലയിൽ നിന്ന് മാറ്റുന്നതെന്നാണ് റിപ്പോര്‍ട്ട്.

ആസ്തി വിവരങ്ങൾ കൃത്യമായി രേഖപ്പെടുത്താതെ വദ്ര നികുതി വെട്ടിച്ചെന്നും വിദേശത്ത് അനധികൃതമായി സ്വത്ത് വകകൾ സമ്പാദിച്ചെന്നുമാണ് വദ്രയ്ക്ക് എതിരായ കേസ്.