ഷവോമി ഉപബോക്താക്കള്‍ക്കിടയിലേക്ക ഒരു സങ്കട വാര്‍ത്ത. അതായത് ഇനി മുതല്‍ ഷവോമിയുടെ റെഡ്മി സീരീസിലെ ചില മോഡലുകളില്‍ ഷവോമിയുടെ യൂസര്‍ ഇന്റര്‍ഫേസായ എംഐയുഐയുടെ പുതിയ അപ്‌ഡേഷനുകള്‍ ലഭിക്കില്ല. ്അതുകൊണ്ട് ആഗോളതലത്തില്‍ ഷവോമി ഉടന്‍ അപ്‌ഡേറ്റ് ചെയ്യുന്ന എംഐയുഐ 11 അപ്‌ഗ്രേഡ് ഈ ഫോണുകളില്‍ പ്രതീക്ഷിക്കേണ്ടതില്ല. ആദ്യം ഏഴ് ഫോണുകളെയാണ് ഒഴിവാക്കിയിരുന്നതെങ്കില്‍ ഒടുവില്‍ ലഭിക്കുന്ന റിപ്പോര്‍ട്ട് പ്രകാരം 10 ഫോണുകളെയാണ് ഈ പട്ടികയില്‍ ഉള്‍പ്പെടുത്തിയിരിക്കുന്നത് എന്നാണ്. ആന്‍ഡ്രോയ്ഡ് സെക്യൂരിറ്റി അപ്‌ഡേറ്റുകള്‍ തുടര്‍ന്നും ഈ ഫോണുകളില്‍ ലഭ്യമാക്കുമെന്നു കമ്പനി വ്യക്തമാക്കുന്നുണ്ട്. 

മാത്രമല്ല അതോടൊപ്പം തന്നെ സ്മാര്‍ട്ട്‌ഫോണുകളില്‍ പരസ്യം നല്‍കുന്ന പതിവ് എംഐയുഐ 11 അപ്‌ഡേറ്റോടെ അവസാനിപ്പിക്കുമെന്നും ഷവോമി അറിയിച്ചിട്ടുണ്ട്.  റെഡ്മീ പ്രോ, റെഡ്മീ 3 എസ്, റെഡ്മീ നോട്ട് 3, റെഡ്മീ 3 X, റെഡ്മീ 4, റെഡ്മീ 4F, റെഡ്മീ നോട്ട് 4, റെഡ്മീ 6, റെഡ്മീ 6 A, റെഡ്മീ Y2  എന്നീ 10 സ്മാര്‍ട്ട്‌ഫോണുകളാണ് എംഐയുഐ 11 അപ്‌ഡേറ്റ് ലഭിക്കാത്ത മോഡലുകള്‍.